تۇرعىنداردى تۇراقتى جۇمىس­پەن قامتۋ ارقىلى ولاردىڭ وتباسىنىڭ الەۋ­مەتتىك جاعدايىن جاقسارتۋ  ءبىزدىڭ قوعامنىڭ ەڭ باستى مىندەتى بولىپ وتىر. 2017–2021 جىلدار ارالىعىندا تۇر­عىنداردى  جۇمىسپەن قامتۋعا باعىتتالعان  مەم­لەكەتتىك باع­دار­لامانىڭ ءوزى  ناتيجەلى جۇ­مىسپەن قامتۋ جانە جاپپاي كاسىپ­كەرلىكتى دامىتۋ دەپ اتا­لادى.  دەمەك، تۇرعىندار ناقتى جۇمىسپەن قامتى­لىپ، ولاردىڭ ءوز كاسىبىن اشىپ، سول ارقىلى ءناسىبىن تابۋىنا جول كورسەتۋ كوزدەلگەن.

وسى باعىتتا الماتى قالالىق جۇمىسپەن قامتۋ ورتالىعىندا  اۋقىمدى شارالار جۇزەگە اسى­رىلۋ­دا. ورتالىق جۋىردا عانا جاڭا فورماتتا  قىزمەت كورسەتۋ جۇيەسىن  ەنگىزىپ، ەnbek.kz پور­تالىن ىسكە قوستى. 

كادرلاردى  جۇمىس بەرۋشىنىڭ سۇرانى­سىنا قاراي ىرىكتەۋ ءىسى قولعا الىندى.  ورتالىق ءوز ومىرىندەگى وسى جاڭالىق­تارمەن جۇمىس بەرۋشىلەردى جاقىنىراق تانىس­تىرىپ، ولارمەن ءوزارا ىنتىماقتاس­تىقتى ارتتىرۋ ماقساتىندا «جۇمىسپەن قامتۋ ورتالىقتارىنىڭ ترانسفورماسيا شەڭبە­رىندەگى ءوزارا ىنتىماقتاستىعى جانە جاڭا فورماتتا قىزمەت ۇسىنۋ، ناتيجەلى جۇمىسپەن قامتۋ جانە جاپپاي كاسىپ­كەرلىكتى دامىتۋدىڭ 2017–2021 جىلدارعا ارنالعان باعدارلاماسىن جۇزەگە اسىرۋ» اتتى «دوڭگەلەك ۇستەل» وتكىزدى.

«دوڭگەلەك ۇستەلگە»   «ءتۇرعىنۇي­جيناق­بانكى»، «ەۆرا­زيالىق بانكى» اق، «مەترو­پوليتەن» اق، «سوسا-سوlا» بك ج ش س، «Caspءىan  Beverage Holdung» اق، «رايىمبەك بوتلەرس» ج ش س، «بازيس» قۇرىلىس كومپانياسى جانە باسقا دا الماتى قالاسىندا ورنالاسقان جيىرما جەتىدەن استام  مەكەمەلەر مەن كاسىپورىن باسشى­لارى قاتىسىپ،  جاڭا فورماتتا جۇ­مىس ۇسىنۋ ماماندار دايارلاۋ جانە ءوز سۇرانىستارىن قاناعاتتان­دى­رۋدىڭ جاڭا جۇيەلەرىمەن تانىسىپ، وسى باعىتتاعى ءوز ويلارىن ورتاعا سالدى.

«دوڭگەلەك ۇستەل» باسىنداعى كە­لەلى كەڭەستى  جۇمىسپەن قامتۋ ور­تا­لى­عىنىڭ باسشىسى مەيرام ءسۇيىن­دىكوۆ اشىپ، جۇرگىزدى. ءسوز باسىندا ورتالىق باسشىسى  قاتىسۋشىلارعا ناتيجەلى جۇمىسپەن قامتۋ باعدارلا­ماسى جانە وسى باعىتتا قالا اياسىندا اتقا­رىلىپ جاتقان جۇمىستار ءجو­نىندە تۇسىنىك­تەمە بەردى.  بۇدان سوڭ  جۇمىس بەرۋ­شىلەردى قولداۋ ءبولىمى­ءنىڭ  باسشىسى داۋرەن اقاتاي ورتا­لىقتىڭ جاڭا فور­ماتتاعى قىزمەت كورسەتۋ جۇمىس­تارىمەن تانىستىردى.

«دوڭگەلەك ۇستەلگە» قاتىسقان جۇمىس بەرۋشىلەردى جاڭا فورمات بويىنشا جۇمىس بەرۋشىلەردىڭ سۇرانىسىنا سايكەس مامانداردى ىرىكتەۋ قىزمەتى، ۋاقىتشا جۇمىس ورىندارىن قۇرۋ، قىزمەتكەر­لەردى كاسىبي وقىتۋ  باعدارلامالارى، enbek.kz پورتالىنىڭ قىزمەتى قىزىقتىردى. ورتالىق قىزمەتكەر­لەرى جۇمىس بەرۋ­شىلەرگە زاڭناماعا سايكەس  ەڭبەك پورتالىن پايدالانا وتىرىپ،  ەلەكتروندىق پوشتا جانە ۇيالى بايلانىس تەلەفونى ارقىلى بوس جۇمىس ورىندارىنا ءوتىنىم بەرۋ ءتارتىبىن دە ءتۇسىندىرىپ، جۇمىس بەرۋشى­لەردىڭ ەلەكتروندى جۇيە ارقىلى قالاي جۇمىس ىستەۋ كەرەكتىگى، ەڭبەك پورتالىنا وزدىگىنەن تىركەلۋ جول­دارى، بوس جۇمىس ورىندارى دەرەكتەر بازاسىنا اعىمداعى بوس جۇمىس ورىندارى مەن  بولجامدى جۇمىس ورىندارىن ەنگىزۋ ءۇشىن سۇرانىسقا يە ماماندىقتار مەن بوس جۇمىس ورىندارى تۋرالى دەرەكتەردى تىركەۋ توڭىرەگىندەگى ساۋالدارىنا جاۋاپ بەردى. بوس جۇمىس ورىندارى تۋرالى دەرەك­تەردى تىركەۋدى مىسال رەتىندە كورسەتتى. بوس جۇمىس ورىندارى جارمەڭكەسىندە بوس جۇمىس ورىن­دارىن ۇسىنىپ قويىپ، جاي­باراقات وتىراتىن جۇمىس بەرۋشىلەر قازىرگى ۋاقىت تالابىنىڭ ول جاي­باراقات­تىقتى كوتەرە المايتىن­دىعىنا كوز جەتكىزىپ، كەلەشەكتە ورتالىقپەن ىن­تى­ماقتاسا وتىرىپ،  ەڭبەك نارى­عىن­داعى جانە ءار كاسىپورىن مەن مەكە­مەلەرگە قاجەتتى ماماندىقتارعا دە­گەن سۇرانىستار بويىنشا بىرلەسە جۇ­مىس ىستەۋ جونىندەگى مامىلەگە كەلدى.

ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىندا  قازىرگى تاڭدا  الماتى قالاسىندا كاسىپكە باۋلۋ ەكى باعىتتا جۇزەگە اسىرىلۋدا.

ءبىرىنشى باعىت – تەگىن كاسىپتىك-تەحنيكالىق ءبىلىم بەرۋ.

ەكىنشى باعىت  – كوللەدجدەر مەن وقۋ ورتالىقتارى ارقىلى قىسقا مەرزىمدى  ءدۋالدى وقىتۋ.

وسى باعدارلامالارعا سايكەس، الماتى قالالىق كاسىپكەرلەر پالاتاسىنىڭ كەلىسىمى بويىنشا قالامىزداعى 4 كوللەدج بەن

5 وقۋ ورتالىقتارىندا 

43 ماماندىق بويىنشا وقىتۋ قولعا الىنىپ وتىر.

الداعى ۋاقىتتا ماماندىق تۇرلەرىن 83-كە جەتكىزۋ كوزدەلگەن.

2017 جىل  الماتى قالاسى بويىنشا جاستار جىلى دەپ اتالۋىنا بايلانىستى تەك بيىلعى وقۋ جىلىنىڭ وزىندە 6975 مەكتەپ ءبىتىرۋشى تۇلەك ەڭبەك نارىعىنداعى سۇرانىسقا ساي ماماندىقتار بويىنشا ءبىلىم الۋدا.

وتكەن 2016 جىلى  الماتى قالالىق جۇمىسپەن قامتۋ ورتالىعىنا 9291 ادام  جۇمىس سۇراپ كەلسە، ونىڭ 7150ء-ى تۇراقتى جۇمىسپەن قامتىلعان.

ونىڭ ىشىندە 593 جاس مامان جاستار تاجىريبەسى باعدارلاماسى بويىنشا جۇمىسقا ورنالاسسا، 315 ادام كاسىپتىك وقۋمەن  قامتىلعان.